Transcription
1
Monsieur, j’ay receu la lettre q’uil vous a pleu mescrire du
2XXVIIe passé que notre seur de Ste [barré : Tel ] Claire nous a mandée
3
et par le moyen dicelle nous vous respondons que ça
4
nous a esté un très grand contantement de savoir de
5voz novelles et [barré : en ] bone senté, en laquelle je prie Dieu
6
vous y conserver très longuement. Nous en sommes tous
7
en mesme estat, Dieu graces, et très desireux de vous
8
voir en ce cartier. Je supplie Dieu vous en donner
9
la commodité. Je vous diray, monsieur, comme les estatz
10
de ce païs avoint esté mandés le VIe du present à Aixc, et
11
le IXe y estent vne bone compagnie de la noblesse
12[barré : y ] ont estez contremandez. On na peu savoir [ déchiré : l’occasion ?]
13sinon quon [barré : passa ] panse que ceste [barré : pourte ] pource que [monsieur]
14de Tavannes [barré : cy ] sy doibt truver. Monsieur le conte
15de Carces a mesmes instructions pour [barré : le ] reduire
16
ceulx de la novelle opinion, lesquelz il doist
17
mander se trouver à Aix le XVIe de ce moiz. Je
18
ne scay comme ceulx que vous savés sy conduiront.
19
Monsieur de La Coste est à Marseille. Je suis très aise
20
q’uaiés veu monseigneur le cardinal de Lorraine qui vous
21
peust beaucoup favoriser en tous voz affaires, que
22
je prie Dieu vouloir prosperer et conduire à son
23honneur et gloire et [barré : vostre ] quil vous douint,
24
monsieur, avecques sa grace, très bone et longue vie,
25
me recommandant très humblement à la votre. De
26
Gargas, ce XIIIe janvier 1573.
27
Votre très humble et très obeissant frère à jamais
28
Francoys de simienne